Foto/ Spitali Infektiv, mjekët dhe infermierët në frontin e parë të përballjes me COVID-19

TIRANË, 16 mars/ATSH/Stafi mjekësor i reanimacionit të Spitalit Infektiv në QSUT po bën një punë heroike në frontin e parë të përballjes me COVID-19.

Ministrja e Shëndetësisë dhe Mbrojtjes Sociale, Ogerta Manastirliu ka publikuar një sërë fotosh nga reaminacioni, ku mjekët dhe infermerët janë të pajisur me veshjet përkatëse për mbrojtjen nga virusi, dhe nga ku po iu shërbehet edhe pacientëve të infektuar.

Mjekët nga ana e tyre, kanë bërë thirrje të njëpasnjëshme qytetarëve, për të qëndruar në shtëpi ndërsa ata shërbejnë nëpër pavjione, pacientëve, duke vënë në rrezik edhe jetën e tyre. z.tosku/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.