TEHERAN, 12 shkurt /ATSH-AFP/ – Ministri iranian i Mbrojtjes, Amir Hatami mohoi sot deklaratat e Uashingtonit sipas të cilave program hapësinor i republikës islamike kishte një aspekt ushtarak, disa ditë pas përpjekjes së re të Teheranit për të lëshuar një satelit në orbitë.
“Dosja e pajisjeve për lëshimin e satelitëve dhe e satelitëve është një çështje civile”, tha Hatami.
Ministri i Jashtëm amerikan, Mike Pompeo e akuzoi dje Iranin se po kërkon të forcojë kompetencat e tij për raketa balistike përmes lëshimit të satelitëve.
“Ne mund të përdorim një satelit për qëllime mbrojtëse, por pajisja e lëshimit në hapësirë është një dosje që nuk është aspak mbrojtëse dhe është një e drejtë absolute dhe e përcaktuar e kombit iranian”, vazhdoi ai.
Të dielën, Irani lëshoi drejt hapësirës një satelit të ri për vëzhgime shkencore, ”Zafar”, por nuk arriti ta vendoste në orbitë./ /ervo/ a.jor.