Dëmet pas tërmetit/ Ekspertët italianë në krah të kolegëve shqiptar në mbrojtje të trashëgimisë kulturore

TIRANË, 20 janar /ATSH/ – Pesë ekspertë italianë përgjatë një jave do t’’u qëndrojnë në krah kolegëve shqiptarë në menaxhimin e emergjencës së trashëgimisë kulturore të goditur nga tërmeti i 26 nëntorit.

Ambasada e Italisë në Shqipëri bën të ditur se sot nisi misioni Unite4Heritage nga Ministria Italiane e Trashëgimisë, Veprimtarive Kulturore dhe Turizmit.

“Pesë ekspertë italianë në mision për menaxhimin e emergjencës së trashëgimisë kulturore të goditur nga tërmeti i 26 nëntorit 2019”, thekson ambasada e Italisë.

Ambasada shton se, “përgjatë një jave, ekspertët tanë do t’u qëndrojnë në krah kolegëve shqiptarë për një hulumtim në detaje të dëmtimeve dhe për të vlerësuar bashkëpunime të ardhshme për restaurimin e trashëgimisë së dëmtuar”.

/gj.mima/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.