PARIS, 17 janar /ATSH-AFP/- Franca i propozoi SHBA-së, përfshirë parimin e një përparimi hap pas hapi, që t’i bashkohej marrëveshjes ndërkombëtare për taksimin dixhital, ende duke u negociuar në OECD, njoftoi sot ministri francez i Ekonomisë, Bruno Le Maire.
“Ekzistojnë mundësi që mund të përdoren, ne po punojmë për to me sekretarin amerikan të Thesarit, Steven Mnuchin. Unë i bëra një sërë propozimesh”, tha ministri francez, gjatë një konference për shtyp, në një nga takimet me Sekretarin e Përgjithshëm të OECD, Angel Gurria.
Ai nuk pranoi të japë hollësi për përmbajtjen e këtyre propozimeve dhe as të specifikojë nëse Franca do të bëjë ndonjë lëvizje në lidhje me taksën e vendosur vitin e kaluar mbi gjigantët dixhitalë, gjë që e shtyu Uashingtonin të kërcënojë se do t’i taksojë me disa miliarda dollarë produktet franceze./ /ervo/