KAJRO, 14 janar /ATSH-DPA/ – Rreth 1000 migrantë u kthyen në Libi gjatë dy javëve të para të vitit, deklaroi sot agjencia e migracionit e OKB-së.
Organizata Ndërkombëtare për Migracionin (IOM) theksoi se lëvizja erdhi si pasojë e përleshjeve më të rënda që Tripoli ka parë që nga shpërthimi i armiqësive nëntë muaj më parë.
“Gjatë javëve të para të vitit 2020, në brigjet e Libisë janë kthyer të paktën 953 migrantë, mes të cilëve 136 ishin gra dhe 85 fëmijë”, shtoi ajo.
IOM deklaroi se vitin e kaluar gjatë së njëjtës periudhë në Libi nuk u kthye asnjë migrant. / /sara/