BEIRUT, 14 janar /ATSH-DPA/ – Demonstruesit libanezë dolën sërish në protestë kundër qeverisë, duke e përshkruar si “një javë zemërimi”, me shpresën se do të ushtrojnë presion ndaj liderëve politikë.
Libani është përfshirë nga protesta mbarëkombëtare që më 17 tetor, që çuan në dorëheqjen e kryeministrit Saad Hariri.
Pas një pushimi njëjavor protestash, hezitimi i liderëve libanezë për formimin e një qeverie të re dhe situatës së përkeqësuar ekonomike, shkaktuan rikthimin e tyre.
Protestuesit bllokuan rrugët kryesore për të ndaluar njerëzit të shkonin në punë, gjithashtu bllokuan dhe rrugët kryesore në jug, lindje dhe veri. / /sara/