”Oda Shqiptare” mbledh më 14 janar bashkëkombasit nga e gjithë bota në emër të solidaritetit

ODA shqiptare, na mbledh në ditë të mira dhe në ditë të vështira… sepse: Shtëpia e shqiptarit është e mikut dhe Zotit! Në datë 14 Janar, ora 19:00 rikthehet eventi ODA për të ndarë së bashku vlerësimin për solidaritetin ndaj tërmetit dhe promovimin e Shqipërisë turistike.😍

Gepostet von Blendi Klosi am Freitag, 10. Januar 2020

TIRANË, 10 janar /ATSH – I. Vata/- “Në datë 14 janar, rikthehet eventi “Oda Shqiptare” për të ndarë së bashku vlerësimin për solidaritetin ndaj tërmetit dhe promovimin e Shqipërisë turistike”, tha sot ministri i Turizmit dhe Mjedisit, Blendi Klosi.

Po ashtu Klosi shtoi se “Oda Shqiptare”, na mbledh në ditë të mira dhe në ditë të vështira, sepse: Shtëpia e shqiptarit është e mikut dhe Zotit!”.

“2019 na rikujtoi se në ditë të mira dhe në ditë të vështira ne duhet të jemi gjithmonë bashkë. Ku turizmi tregoi se është një industri e vërtetë dhe fuqi ekonomike, por 2019 provoi se bashkë jemi më të fortë edhe mes katastrofës më të rëndë natyrore. Se shtëpia e shqiptarit është e mikut dhe e Zotit. Kjo është “Oda Shqiptare”. Më 14 janar eventi më i madh mbarëshqiptarë mbledh bashkëkombasit nga e gjithë bota në emër të solidaritetit dhe në celebrim të turizmit. Oda shqiptare, manifestimi i besimit tek njëri tjetri”, thuhet në videon promovuese. /a.a/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.