SUEDI – IKEA dëmshpërblen 46 milionë dollarë familjen e një fëmije, viktimë e produkteve të saj

STOKHOLM, 7 janar /ATSH-ANSA/ – Gjiganti suedez i mobilimit IKEA ra dakord për të paguar 46 milionë dollarë kompensim për prindërit e dyvjeçarit, Jozef Dudek, i cili vdiq i mbytur në raftin e një komodine, në vitin 2017, në Kaliforni.

Sipas avokatëve, ky është kompensimi më i madh i dhënë për vdekjen aksidentale të një fëmije në SHBA.

Në vitin 2016, IKEA kishte rënë dakord të paguante 50 milion dollarë në përfundim të padisë së paraqitur nga familjet e tre fëmijëve të tjerë që vdiqën në në të njëjtën mënyrë: Camden Ellis dhe Curren Collas, të dy dyvjeçarë, dhe Ted McGee, 23 muajsh.

“Megjithëse asnjë marrëveshje nuk mund të ndryshojë ngjarjet tragjike, për të mirën e familjes dhe të gjithë atyre që janë të përfshirë ne jemi mirënjohës që kjo padi ka marrë fund”, theksoi një zëdhënës i IKEA-s.

Prindërit e Jozef Dudek kanë njoftuar se do të dhurojnë një milion dollarë në kompensim për organizatat që mbrojnë fëmijët nga produktet e rrezikshme./  /os/ a.jor.

 

 

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.