Haaland firmos me Dortmundin, United e Juventusi mbeten duarbosh

TIRANË, 30 dhjetor /ATSH/ -Borussia e Dortmundit ka arritur të mposhtë konkurrencën e Juventusit dhe manchester United për të marrë shërbimet e talentit të madh të futbollit europian, Erling Haaland,

Sulmuesi norvegjez ka firmosur me Borussian e Dortmundit deri në vitin 2024, duke lënë “thatë” “Djajtë e Kuq” dhe veçanërisht bardhezinjtë, me mediet italiane që thuajse e zyrtarizuan te Juventus pak ditë më parë.

Njoftimi zyrtar më blerjen e Haaland e bëri klubi verdhezi, që ka shpënzuar 20 milionë euro në arkat e Salzburgut, në Austri. Në fakt, kjo ishte klauzola e largimit që kishte 19-vjeçari në kontratë për këtë periudhë merkatoje.

Një goditje vërtet surprizë e Dortmundit, që u treguan të zotë për të bindur futbollistin e datëlindjes 2000 që të firmoste me të.

Haaland gjatë këtij sezoni ka arritur të 22 gola në 22 takime, 8 madje në Champions League, kompeticion në të cilin do të vijojë të luajë edhe si verdhezi.

/gj.m/ /a.a/

 

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.