GJERMANI – Përmirësimi i ekonomisë vetëm në vitin 2021

BERLIN, 12 dhjetor /ATSH-DPA/ – Ekonomia gjermane mund të ketë pritshmëri për përmirësim vetëm në vitin 2021, paralajmëron Instituti kërkimor për Ekonominë Botërore i Kielit (IfW).

Sipas këtij instituti, janë vështirësitë me të cilat po përballet sektori industrial i Gjermanisë që kanë frenuar rritjen.

Rritja aktuale e dobët ishte rezultat i një recesioni në sektorin industrial, ku kishte kapacitet rezervë dhe ku pritej që investimet të binin me 1,1 % vitin në vazhdim.

IfW parashikon që rritja e këtij viti do të jetë e dobët, me 0,5 % të PBB-së dhe do të vijë duke u ngritur me 1,1 % në vitin 2020 dhe 1,5 % në vitin 2021.

Instituti këshillon për një përqendrim të buxhetit në dhënien e përparësisë investimeve, ndërkohë që ruan kufizimet për borxhin e ri./ /ervo/ a.jor.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.