Kupola e kishës “San Gaudenzio” në Itali, ndriçohet me ngjyrat e Shqipërisë

TIRANË, 29 nëntor /ATSH/ – Tërmeti i së martës ka solidarizuar shtete të shumta nga të katër anët e botës në mbështetje të Shqipërisë në këtë dhimbje të madhe që ka përjetuar gjatë këtyre ditëve.

Një gjest i tillë mjaft domethënës dhe me një vlerë të veçantë në një situatë të tillë ka ndodhur dhe në qytetin e Novarës në Itali.

Kupola e kishës “San Gaudenzio” në këtë qytet është ndriçuar me ngjyrat e Shqipërisë. Ajo do të përndrijë kështu sonte, nesër dhe të dielën.

“Një gjest simbolik i bashkisë sonë për të shprehur solidaritetin e plotë me atë që po përjeton Shqipëria”, shprehet kryebashkiaku Alessandro Canelli.

“Novara shpreh solidaritetin e saj duke ndriçuar Kupolën simbolin e qytetit, me ngjyrat e Shqipërisë”, tha kryebashkiaku Canelli. /a.a/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.