POLONI – Rikthehen mbi 100 tonë rezerva ari nga BM

VARSHAVË, 25 nëntor /ATSH-DPA/ Polonia riktheu në vend rreth 100 tonë rezerva prej ari me vlerë afërsisht 18,3 miliardë zloty polake, deklaroi sot kreu i bankës qendrore, Adam Glapinski.

Ari u transportua nga banka e Britanisë së Madhe, ku Polonia mban pjesën më të madhe të rezervave të saj të arit që pas Luftës së Dytë Botërore.

Kthimi i arit u bë në tetë këste, ku secili këst përmbante nga 1000 shufra ari.

Banka qendrore e Polonisë aktualisht posedon 228,6 tonë ar, si pjesë e aseteve rezervë, nga të cilat 105 tonë ruhen në kasafortat e saj, sipas një deklarate nga banka.

Ajo gjithashtu shtoi se banka qendrore rriti pronat e saj me 125,7 tonë në vitet 2018-19. / /sara/r.e/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.