Meta: Nuk ka Rilindje lokale dhe ndërkombëtare që e shpëton Dvoranin nga përgjegjësia penale

TIRANË, 17 nëntor /ATSH/ – Presidenti i Republikës, Ilir Meta e ka cilësuar skandaloz presionin politik ndaj Këshillit të Emërimeve në Drejtësi dhe anëtares së Gjykatës Kushtetuese, Vitore Tusha. Presidenti akuzon Ardian Dvoranin si të vetmin përgjegjës për këtë akti kriminal.

“Skandaloz presioni politik ndaj KED dhe anëtares së Gjykatës Kushtetuese, Vitore Tusha! I vetmi përgjegjës për aktet kriminale të militantit Ardian Dvorani është vetëm ai, përndryshe Katica jonë i Reformës në Drejtësi”, shprehet Presidenti Meta.

Meta shprehet se askush nuk mund ta shpëtojë Ardian Dvoranin nga përgjegjësia e rëndë penale.

“Nuk ka Rilindje lokale dhe ndërkombëtare që e shpëton atë nga përgjegjësia e rëndë penale. Katica jonë bëri një akt shumë më të rëndë se vendosja e gjobës së një biznesmeni. Katica jonë donte të vidhte gjithë Gjykatën Kushtetuese të Shqipërisë. Provat po shtohen. Garantet e krimit kushtetues po dalin vetë. Video po përgatitet”, tha Presidenti. /a.a/ /a.g/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.