FUTBOLL – Erdogan: Kombëtarja e Shqipërisë nuk është një rival i zakonshëm

ANKARA, 16 nëntor /ATSH-AA/ – Kombëtarja e Shqipërisë në futboll nuk është një rival i zakonshëm, tha presidenti i Turqisë, Recep Tayyip Erdogan.

Erdogan vizitoi futbollistët e kombëtares turke pasi siguruan kualifikimin në Kampionatin Europian pas ndeshjes me Islandën në kuadër të Grupit H në Stamboll që përfundoi pa gola.

“Fituam mundësinë për të shkuar në këtë kampionat pas një pauze të gjatë. Shpresoj të shkojmë si vendi i parë në grup”, tha presidenti turk në një prononcim pasi uroi lojtarët turq.

“Tani kemi ndeshjen me Andorrën, por krahas kësaj ndeshjeje, rivali i ardhshëm i Francës, Shqipëria, nuk është një rival i zakonshëm dhe Shqipëria do ta zhvillojë ndeshjen në stadiumin e ri”, shtoi Erdogan./ a.jor.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.