Pampuri njoftoi se kishte humbur jetën, banori i “Astirit” në gjendje të mirë shëndetësore

TIRANË, 12 nëntor /ATSH – I. Vata/ Partia Demokratike nëpërmjet ish-deputetes, Oriola Pampuri, shpalli sot live në zonën e Astritit se një banor kishte mbetur i vdekur, në përplasjen që shoqëroi ndërhyrjen e IKMT për prishjen e ndërtesave që preken nga projekti i Unazës së Madhe të Tiranës.

Sipas Pampurit, viktima quhej Mahmut Imallari, por Imallari është në gjendje të mirë shëndetësore pasi ka marrë ndihmë mjekësore.

Imallari është gati për të lënë spitalin.

“Është zyrtare, zotëria ka humbur jetën. Për këtë Edi Rama do mbajë përgjegjësi. Një nga banorët e unazës, një nga protestuesit sot ka humbur jetën për shkak të dhunës që është ushtruar nga policia e Sandër Lleshajt dhe Edi Ramës. Turp”, tha sot Orjola Pampuri, duke shtuar se lajmin ia kishin konfirmuar banorët që kishin folur me familjarët. /j.p/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.