TURQI – Ankaraja thërret ambasadorin amerikan për gjenocidin armen

STAMBOLL, 30 tetor /ATSH-AA/ – Ambasadori i SHBA-së në Ankara, David Satterfield është thirrur në Ministrinë e Punëve të Jashtme në lidhje me projektligjin e miratuar në Dhomën e Përfaqësuesve.

Sipas informacioneve nga burimet diplomatike, ambasadori Satterfield është thirrur në MPJ të Turqisë për projektligjin e miratuar në Dhomën e Përfaqësuesve të SHBA-ve i cili parashikon sanksione ndaj Turqisë lidhur me vendimin për ngjarjet e vitit 1915 që nuk kanë asnjë bazë historike dhe ligjore si dhe lidhur me operacionin “Burimi i Paqes”.

Në një deklaratë me shkrim nga MPJ thuhet se kundështohet vendimi “gjenocidi armen” i pranuar në Dhomën e Përfaqësuesve të SHBA-ve, vendim ky i cili është marrë me motive të politikës së brendshme dhe i cili nuk ka asnjë bazë historike dhe ligjore.

“Dënohet me forcë pranimi i projektligjit nga Dhoma e Përfaqësuesve të SHBA-ve i cili parashikon zbatimin e sanksioneve ndaj Turqisë lidhur me operacionin ‘Burimi i Paqes'”, thuhet në deklaratën e MPJ turke./ /ec/ a.jor.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.