BRUKSEL – BE: Londra të na thotë çfarë kërkon

BRUKSEL, 8 tetor /ATSH-DPA/ – Presidenti i Këshillit Europian, Donald Tusk, i bën thirrje Britanisë së Madhe për të shprehur çfarë dëshiron nga Brexit-i, pasi kryeministri britanik, Boris Johnson ndau perspektivën e Londrës në një bisedë telefonike me kancelaren gjermane, Angela Merkel.

“Ajo çfarë është në diskutim, nuk është të fitosh një lojë qesharake se kush e ka fajin. Në diskutim është e ardhmja e Europës dhe Britanisë së Madhe si dhe siguria dhe interesat e popujve tanë. Nuk doni marrëveshje, nuk doni shtyrje afati, nuk doni revokim, ku po shkoni? ”, shkruan Tusk në një postim në Twitter.

Zëdhënësja e Komisonit Europian, Mina Andreeva, thekson se qëndrimi europian nuk ka ndryshuar.

“Duam një marrëveshje. Po punojmë për një marrëveshje me Britaninë e Madhe”, deklaroi ajo./ /sara/ a.jor.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.