TIRANË, 4 tetor/ATSH/ Konvikti i vajzave në Shkodër po i nënshtrohet rikonstruksionit për t’u shndërruar në banesë moderne për studentet.
Ministrja e Arsimit, Sportit dhe Rinisë, Besa Shahini ka inspektuar punimet në këtë konvikt, ku secili kat do të ketë dhoma leximi dhe kuzhine.
“Konvikti i vajzave në Shkodër po rikonstruktohet në detaje për t’u shndërruar në banesë moderne për studentet aty.
Secili kat do të ketë dhomë leximi dhe kuzhinë. Izolimi i mureve, ngrohja qendrore dhe më shumë hapësirë në dhomat e studentëve janë disa nga punimet që po realizohen”, -tha ministrja.
Sipas saj, investimet në konvikte po kryhen në kuadër të Paktit për Universitetin. /j.p/
