Mjetet RETRO përjashtohen nga taksat e tarifat duke nisur nga 1 janari 2020

TIRANË, 28 shtator /ATSH/- Mjetet RETRO, përjashtohen nga taksat e tarifat duke nisur nga 1 janari 2020.

Drejtoria e Përgjithshme e Shërbimit të Transportit Rrugor, bën të ditur lajmin e mirë për të gjithë të apasionuarit e mjeteve të vjetra se, shumë shpejt në festën që do të  organizohet “Retro.al” në kuadër të 20 vjetorit të DPSHTRR, do të lançohet dhe lajmi për komunitetin RETRO, që përjashtohet nga taksat e tarifat duke nisur nga 1 janari 2020.

“Aktet e reja rregullatore dhe lindjen e Regjistrit Zyrtar të Mjeteve RETRO, Një univers i ri, nga statusi, që hapet për gjithë të apasionuarit e mjeteve historike e të koleksionit është një bukuri e dashuri nostalgjike”, citon DPSHTRR. e.xh/ /a.g/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.