Tërmeti/ Dëme të vogla në institucionet kulturore

TIRANË, 22 shtator /ATSH/ Ministrja e Kulturës, Elva Margariti tha sot në mbledhjen e jashtëzakonshme të qeverisë se dëmet në institucionet kulturore janë modeste.

“Kemi disa plasaritje siëprfaqësore, në pak objekte janë më të thelluara, si në rastin e Muzeut Historik Kombëtar. Në Durrës në Muzen Arkeologjik kemi pasur disa plasaritje më të thelluara në pjesën e jashtme, veçanërisht në katin e tretë. Nuk ka dëmë strukturore. Asnjë nga objektet brenda këtyre muzeumeve nuk ka pësuar dëmtime”, tha Margariti.

Sipas saj, po vijon mbledhja e të dhënave. “ 232 monumente, që nuk rezultojnë të dëmtuara. Kemi vërejtur në tetë objekte që janë prekur, 4 në Galerinë Kombëtarë, Teatrin e Operës dhe Baletit dhe Galerinë e Arteve”, tha Margariti.

Duke vijuar që nesër, është hartuar një kalendar inspektimesh, së bashku me Universitetin e Arteve. /j.p/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.