Anija shqiptare Oriku shpëton 111 emigrantë në detin Egje

TIRANË, 21 shtator/ATSH/ Anija shqiptare “Oriku” ka shpëtuar mbrëmjen e djeshme 111 emigrantë në detin “Egje”.

Ministrja e Mbrojtjes, Olta Xhaçka mëngjesin e të shtunës, bëri të ditur se mbrëmje e djeshme ka qenë tejet intensive për ekuipazhin e anijes shqiptare “Oriku”.

“Natë intensive për anijen shqiptare “Oriku” dhe ekuipazhin e saj me mision në detin Egje.
111 emigrantë sirianë, irakenë e palestinezë u shpëtuan në 3 operacione të ndryshme brenda pak orësh, gjatë mbrëmjes së djeshme në ujërat mes Turqisë dhe Greqisë.
Emigrantët të cilët lundronin në 2 gomone dhe 1 skaf, iu dorëzuan Rojës Bregdetare turke”, thekson Ministrja e Mbrojtjes Olta Xhaçka. /j.p/

 

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.