Siguria ushqimore/ Durrës, vijon aksioni për largimin e kioskave pranë shkollave

TIRANË, 13 shtator/ATSH/ Bashkia e Durrësit vijon aksionin për largimin e kioskave që ndodhen pranë shkollave, me qëllim rritjen e sigurisë ushqimore tek fëmijët.

Policia Bashkiake në bashkëpunim me Inspektorati i Mbrojtjes së Territorit në Durrës po punon për largimin e kioskave informale të vendosura në hapësirat publike pranë shkollave në të gjithë territorin e bashkisë.

Shpeshherë këto kioska kanë qenë burim helmimi, për shkak se tregtojnë ushqime të pasigurta dhe në kushte të papërshtatshme higjieno-sanitare për fëmijët.

Bashkia e Durrësit ka vendosur që të heqë të gjitha kioskat pranë shkollave të qytetit, por ky aksion do të përfshijë edhe ato në fshatra. /k.s/ /a.g/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.