15-vjetori i themelimit të LSI-së, Kryemadhi: Kauzat për të cilët u krijuam, ende reale

TIRANË, 6 shtator /ATSH/ Lëvizja Socialiste për Integrim shënoi mbrëmjen e sotme 15-vjetorin e themelimit si forcë politike. Kryetarja e LSI, Monika Kryemadhi ka marrë fjalën në mbledhjen e Konventës Kombëtare të LSI, me rastin e 15-vjetorit të kësaj partie.

“Në këto 15 vite të rrugëtimit tonë politik, sfidat me të cilat jemi përballur kanë qenë të shumta e të jashtëzakonshme. Kauzat për të cilat u krijuam dhe kemi luftuar në këto 15 vite, janë akoma reale. Prandaj mbështetja për forcën tonë politike nuk ka shteruar asnjëherë nga njerëzit e thjeshtë, të cilët e duan Shqipërinë anëtare të denjë të Europës”, – tha ajo.

Kryemadhi gjatë fjalës së saj para anëtarëve u ndal edhe te plani ekonomik duke qenë në një linjë me PD-në për vendosjen e taksës së sheshtë dhe jo progresive. /j.p/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.