Përfundon remonti në nënstacionin energjetik 400kV në Elbasan

TIRANË, 30 gusht /ATSH/- Brigada e mirëmbajtjes së Nënstacionit energjetik të Njësisë Operacionale Energjetike, përfundoi me sukses remontin e zbarave të seksionit të I-rë, të traktit seksionues në N/Stacionin 400kV në Elbasan.

Ministria e Infrastrukturës dhe Energjisë, (MIE) bën të ditur se, punimet në remonte, riparime dhe mirëmbajtje të rrjetit energjetik në të gjithë vendin, ka ndikuar në përmirësimin e furnizimit me energji të abonentëve.

Sipas MIE-t, programi i investimeve në sektorin energjetik po prek çdo hallkë që rrezikonte defekte, madje dhe në ato sisteme, ku kish munguar prej vitesh, ‘dora’ e rikonstruksionit.

Rezultatet e pritshme të investimeve kanë dhënë impakt në arritjen e treguesve pozitivë në shumë drejtime.

Kështu Koorporata Elektroenergjetike Shqiptare (KESH) ka përmbyllur me sukses 7 mujorin e parë të 2019.

Administrimi efikas i kaskadës së HEC-eve duke arritur një nivel optimal shfrytëzimi e duke rritur efiçencën në menaxhimin operacional e tregtar ka rritur të ardhurat dhe ulur  shpenzimet.

Përmbushje 100% e të gjitha detyrimeve për furnizimin me energji si dhe mbulim i humbjeve ne rrjet. Rritja e treguesve tregtarë ka bërë të mundur vijimin e investimeve te rëndësishme në KESH. e.xh/j.p/

 

e.xh/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.