Nisin provimet e vjeshtës për maturantët, sot provimi i gjuhës së huaj

TIRANË, 27 gusht/ATSH/ Rreth 4 mijë maturantë të cilët nuk i kanë kaluar provimet në fazën e parë, e cila u zhvillua në muajin qershor, do t’i rijapin duke nisur nga sot deri në datën 6 shtator.

Maturantët do t’i nënshtrohen sot provimit të Gjuhës së Huaj, pasuar nga ai i Gjuhës Shqipe për 30 gusht, në datën 3 shtator ata do t`i nënshtrohen testit të Matematikës dhe në datën 6 shtator Provimit me Zgjedhje.

Procesi do të jetë po i njëjtë dhe shkalla e vështirësisë po ashtu. Provimi do të zgjasë 2 orë e gjysmë dhe do të përbëhet nga 32 pyetje, nga të cilat rreth 20 me alternativë.

Nëse maturantët kalojnë provimet e Maturës Shtetërore në vjeshtë atëherë ata nuk e humbasin shansin për të aplikuar për në universitete, por gjithmonë nëse arrijnë një mesatare mbi 6,5.

z.tosku/j.p/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.