TIRANË, 24 gusht/ATSH/ Në Voskopojë po vazhdon puna për ndërtimin e shkollës së re 9-vjeçare.
Rreth 120 fëmijë të Voskopojës, Lavdarit dhe Gjonomadhit do të kenë mundësinë të zhvillojnë mësimin në një shkollë me standarde bashkëkohore.
Punimet për ndërtimin e shkollës së re ishin domosdoshmëri, pasi shkolla ekzistuese në këtë fshat kishte degraduar dhe për 4 vite kishte dalë jashtë funksionit të saj.
Në të tilla kushte, bashkia e Korçës hartoi projektin për ndërtimin e një godine të re. Shkolla po ndërtohet e gjitha e re me një vlerë investimi prej 32.2 milionë lekë.
Objekti do të ketë dy kate, do të jetë i pajisur me laboratorë, palestër, kënd sportiv dhe një kopësht. /m.m/j.p/