Sulmet në SHBA/ Meta: Solidaritet me kombin e madh amerikan

TIRANË, 4 gusht/ATSH/- Presidenti Ilir Meta shprehu sot ngushëllimet për familjet e viktimave që humbën jetën pas sulmeve në SHBA.

Kreu i shtetit shqiptar shprehet se shqiptarët solidarizohen me kombin amerikan.

“Shumë i trishtuar dhe i tronditur nga humbjet e jetëve të pafajshme në ElPaso dhe Ohio. Lutjet dhe mendimet e mia për familjet e viktimave. Solidaritet me kombin e madh amerikan”, thekson Meta.

Nga sulmet në SHBA, një në një qendër tregtare në Teksas dhe tjetri në një lokal në Ohio humbën jetën 29 persona të pafajshëm./k.s/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.