AZHBR trajnon fermerët që të përfitojnë grantet e Pyjeve

TIRANË, 23 korrik/ATSH/ Përmirësimi i ekosistemeve malore po shihet me prioritet nga Agjencia për Zhvillim Rural Bujqësor veçanërisht në zonën e Malësisë së Madhe.

Punonjësit e Agjencisë për Zhvillim Rural Bujqësor kanë zhvilluar një trajnim në Malësi të Madhe me grupet e interesit të Shoqatave të Pyjeve, për mënyrën e blerjes, shmangien e gabimeve në faturimin e shpenzimeve të lejuara, si dhe zgjerimin e njohurive për dokumentacionin e nevojshëm në blerje.

Sipas AZHBR-së, grantet e Pyjeve kanë objektiv kryesor rivendosjen, ruajtjen dhe përmirësimin e ekosistemeve malore, përmirësimi e bujqësisë, pylltarisë, mbështetje në zgjerimin dhe përmirësimin e burimeve pyjore, si dhe parandalimin e zjarreve në pyje.

Grantet për mbrojtjen e pyjeve, pasojnë serinë e financimeve që qeveria në bashkëpunim me donatorët po adresojnë në mbështetje të fermerëve dhe grupeve të interesit për zhvillimin e bujqësisë dhe mjedisit në vendin tonë.

/z.tosku/a.g/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.