BE mbështetje Shqipërisë në luftën kundër trafikimit të paligjshëm

TIRANË, 22 korrik /ATSH – I. Vata/ – Ambasadori i BE-së, Luigi Soreca i është bashkuar sot skuadrës së Guardia di Finanza, gjatë aktiviteteve të përditshme në luftën kundër trafikimit të paligjshëm në detin Adriatik.

Ambasadori i BE-së Soreca, thekson se projekti SANCAS i BE, mbështet aktivitetet e mbikëqyrjes në Shqipëri edhe këtë vit.

“Kënaqësi t’i bashkohesha skuadrës së Guardia di Finanza gjatë aktiviteteve të tyre të përditshme në luftën kundër trafikimit të paligjshëm në Detin Adriatik, në bashkëpunim me Ministrinë e Brendshme. Projekti SANCAS i Bashkimit Europian mbështet aktivitetet e mbikqyrjes në Shqipëri edhe këtë vit. Në pritje të raportit në fund të vitit 2019”, shprehet Soreca.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.