Shkarkohet kryetari i bashkisë së Vaut të Dejës/ Rama: Do ndiqet penalisht

TIRANË, 28 qershor/ATSH/- Kryeministri Edi Rama reagoi sot ndaj djegies me molotov të godinës së KZAZ-së së Bushatit në Shkodër dhe materialeve zgjedhore duke theksuar se ” kryetari i bashkisë së Vaut të Dejës Zef Hila, jo vetëm u shkarkua, por do të ndiqet penalisht”.

Kreu i qeverisë tha se kush do ta ndjekë shembullin e tij do të përballet me drejtësinë.

“Zef Hila, haxhiqamilisti i Vaut të Dejës, jo vetëm u shkarkua po do të ndiqet penalisht, për aktin barbar të djegies së shkollës dhe djegies së materialeve zgjedhore! Kush do ta ndjekë shembullin e tij, do të ketë të njëjtin fat dhe do të përballet me drejtësinë”, tha Rama.

/k.s/ /a.g/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.