Palmer: SHBA njeh 30 qershorin si datë zgjedhjesh

TIRANE, 27 qershor/ATSH/- Në një intervistë për Zërin e Amerikës, Zëvendës ndihmës Sekretari amerikan i Shtetit për Evropën, Matthew Palmer tha se Shtetet e Bashkuara njohin datën 30 qershor si ditën e zhvillimit të zgjedhjeve në Shqipëri.

Zoti Palmer komentoi në përgjigje të pyetjes së Zërit të Amerikës lidhur me vendimin e presidentit Meta për të caktuar 13 tetorin si datë të re zgjedhjesh.

“Ne presim që zgjedhjet të zhvillohen më 30 qershor. Presim që ato të zhvillohen në mënyrë të qetë e transparente. Pas zgjedhjeve, do te formohet Gjykata Kushtetuese dhe presim që mosmarrëveshjet për kohën e zhvillimit të zgjedhjeve të zgjidhen përmes institucioneve të vendit”, tha zoti Palmer.

Ndërkohë që intervista e plotë e z.Palmer, do të transmetohet ditën e premte.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.