SHBA – Google, Facebook dhe Amazon tronditen në bursë për shkak të informacioneve për hetim

UASHINGTON, 3 qershor /ATSH-ANSA/ – Gjigantët amerikanë të internetit “Google”, “Facebook” dhe “Amazon” pësojnë rënie në bursën e “Wall Street” për shkak të zërave që qarkullojnë se janë hapur hetime nga njësia kundër monopoleve në SHBA.

“Alphabet”, kompania që ka “Google”, shembet në “Wall Street” duke humbur 6,22% të vlerës, ndërsa aksionet e kolosit të Jeff Bezos humbasin 3,1%.

Rënie të fuqishme regjistroi edhe “Facebook” që pëson një humbje deri në 7,3%.

Komisioni Federal Tregtar amerikan, sipas disa informacionesh mediatike, ka dhënë miratimin për të shqyrtuar disa aspekte të këtyre kompanive në lidhje me pengesa të mundshme ndaj konkurrencës. /G.S/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.