Thaçi: Bashkimi kombëtar, nevojë e pashmangshme

PRISHTINË, 30 maj /ATSH/ – Presidenti i Kosovës, Hashim Thaçi, nga Drenasi sërish ka bërë thirrje për bashkim kombëtar.

Duke përmendur izolimin që është duke iu bërë Kosovës nga BE-ja, i pari i shtetit tha se kjo është një nevojë e pashmangshme e Kosovës.

“Një nga pengesat që po i bëhen Kosovës është izolimi që po i ndodh Kosovës nga mos uniteti i Bashkimit Europian. Tani për këtë shtrohet nevoja që të jetojmë në një shtet të përbashkët dhe të ndodhë bashkimi kombëtar”, tha Thaçi.

Këto komente ai i bëri gjatë përurimit të shtatoreve të dy heronjve Rasim Kiçina dhe Bedri Shala në Drenas./KosovaPress/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.