Ditë zie kombëtare, Bashkia Vlorë ul flamurin në gjysmështizë dhe anulon aktivitetet

TIRANË, 10 maj /ATSH/ – Bashkia e Vlorës anuloi sot të gjitha eventet dhe aktivitetet e programuara për çeljen e sezonit turistik, në respekt të Dëshmores së Atdheut, Zarife Hasanaj.

Me vendim të Këshillit të Ministrave, dita e premte, u shpall dite zie kombëtare në nderim të nëntetares Zarife Muharrem Hasanaj, rënë në krye të detyrës gjatë misionit të saj jashtë vendit.

Bashkia e Vlorës si dhe institucionet e varësisë, sot e kanë ulur flamurin në gjysmë shtizë.

Homazhet dhe ceremonia shtetërore për Dëshmoren e Atdheut, nëntetare Zarife Hasanaj po zhvillohen sot në Pallatin e Kongreseve, në Tiranë./m.m/ /a.g/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.