FOTO/ Patos, orientim të rinjve drejt ekonomisë bujqësore dhe blegtorale

TIRANË, 8 maj /ATSH/ – Në Zharrëz, ku është përqendruar veprimtaria më e madhe bujqësore dhe blegtorale e territorit të bashkisë Patos, u zhvillua aktiviteti i radhës i Javës së Europës.

Në këtë aktivitet u bë informimi i të rinjve mbi politikat e përbashkëta bujqësore që ka Bashkimi Europian me të gjitha vendet anëtare, ku informimi i të rinjve mbi Skemat Kombëtare Mbështetëse ishte fokusi kryesor i takimit që Këndi i BE-së pranë bashkisë Patos organizoi me nxënësit maturantë të shkollës “Sotir Çapo” Zharrëz.

Ekononomia bujqësore dhe blegtorale mbulon rreth 60% të ekonomisë së përgjithshme, ndaj orientimi i të rinjve drejt këtyre politikave përforcon më tej këtë sektor jetik për vendin. /a.a/j.p/

 

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.