FISHË TEKNIKE – 10 grabitjet më të njohura në histori

TIRANË, 10 prill /ATSH/ – Më poshtë vijojnë 10 nga grabitjet më të njohura në histori:

(1) – 18 shkurt 2001 – Aeroporti kryesor i Brukselit ”Zaventem” – Grabiten 50 milionë dollarë. Në orët e mbrëmjes, tetë burra të armatosur, të veshur si policë kishin hyrë përmes dy kamionëve në aeroportin ”Zaventem” dhe u shfaqën në pistë, ku disa agjentë privatë dhe teknikë po ngarkonin një avion me 120 pako të plota me diamante. Pasi bllokuan pilotët dhe rojet e sigurisë morën mallin dhe u nisën për t’u kthyer andej nga kishin hyrë.

Në listën e mallrave të vjedhura kishte pothuajse vetëm diamante, të ardhur nga Anversa, kryeqyteti evropian i gurëve të çmuar.  Asnjëherë nuk është sqaruar nëse ato ishin copa të destinuara për konsumatorët apo të dërguara në Zvicër për prerje të mëtejshme. Hetuesit nuk përjashtuan asnjë hipotezë.

Në vitin 2000 në pistën e ”Zaventem” ishte bërë një tjetër ”goditje” prej gjashtë milionë dollarësh, e organizuar nga Nizar Trabelsi, një futbollist tunizian i cili u gjet se ishte në shërbim të Al Qaeda. Kjo vjedhje, sipas shtypit ndihmoi financiarisht sulmin në kullat binjake në shtator të vitit 2001.

(2) – Shtator 1997 – Zyrë postare në Zyrih – Grabitësit plaçkitën zyrën postare në Fraumunster duke vjedhur 53 milionë franga.

“Vjedhja e shekullit” ishte një nga çështjet penale më spektakolare në historinë kriminale zvicerane dhe një pikë e madhe fillestare për një të vërtetë të re. Pesë persona shkojnë në postën e Fraumunster me një makinë të vjedhur. Ata maskuan makinën, ngjitën adezivë që të dukej si një makinë shërbimi postare. Punonjësit që po ngarkonin një furgon të blinduar kërcënohen me armë. Me shpejtësi ata ngarkojnë pesë kuti në makinën e tyre. Operacioni zgjat vetëm disa minuta. Kjo grabitje është më e madhja në një zyrë postare në histori.

(3) 2005 – Brazil – Vjedhja e Bankës QendroreVjedhur: 70 milionë dollarë – Pasi morën me qira një qendër komerciale në mes të qytetit dhe të maskuar si kopshtarë, banda që qëndronte pas kësaj grabitjeje të madhe, kaloi tre muaj duke gërmuar një tunel prej 100 metra nën një bankë. Më pas, gjatë një fundjave në gusht, ata u futën nëpërmjet një betoni të përforcuar në skelën e degës së Bankës Qendrore dhe arritën të merrnin 3,5 tonë kartëmonedha reale braziliane, shumica e të cilave nuk janë gjetur kurrë.

(4) 1983 – Vjedhja e Brink’s-MAT – Londër –  Vjedhur 41 milionë dollarë – Në një mëngjes herët në nëntor, gjashtë grabitës hynë në depon e  Brink’s-MAT në aeroportin ”Heathrow” me ndihmën e një roje sigurie. Plani i tyre fillestar përfshinte marrjen e vetëm 3 milionë dollarëve, por kjo ndryshoi pasi ata zbuluan një shtesë prej tre ton ari dhe diamanti, duke shtuar ndjeshëm ”pagën” e tyre të planifikuar për atë ditë

(5) 2006 – Vjedhja e Depove të Securitas – Kent, Britani e Madhe – Vjedhur 83 milionë dollarë. Kjo grabitje  e furishme  mbetet vjedhja më e madhe në historinë britanike. Pas maskimit si policë dhe rrëmbimit të menaxherit të degës Securitas dhe familjes së tij, banda e armatosur rëndë e vjedhësve e çuan atë në depo ku më pas lidhën 14 punonjësit e tij dhe e detyruan atë të hapte arkën e parave.

(6) 2004 – Grabitja e Bankës Veriore – BelfastVjedhur 41 milion dollarë

Disa ditë para Krishtlindjeve, një bandë grabitësish që u maskuan si zyrtarë, plaçkitën gjatë rrugës së tyre për në shtëpi, dy drejtues të degëve të bankës, duke i mbajtur ata dhe familjet e tyre në shënjestër. Pasi e plaçkitën vendin, hajdutët i lëshuan familjet të padëmtuara. Shumë prej tyre kanë spekuluar se e gjithë kjo ishte puna e IRA-s së përkohshme ose Sinn Fein, por që nga sot krimi mbetet i pazgjidhur.

(7) 2003 – Grabitja e Bankës Qendrore të IrakutVjedhur: Mbi 920 milionë dollarë

Konsiderohet si grabitja më e madhe e bankës në histori, kjo vjedhje e guximshme thuhet se u urdhërua drejtpërsëdrejti nga vetë Saddam Husseini vetëm disa ditë para pushtimit amerikan. Raportet sugjerojnë se pas krimit, u shfaq një shënim i nënshkruar nga Husseini, duke udhëzuar që të tërhiqeshin 920 milionë dollarë nga banka dhe t’i jepeshin djalit të tij Qusay, i cili thuhet se kaloi pjesën më të mirë të pesë orëve me një tjetër individ të panjohur që ngarkonte grumbullin e parave në automjete në një vend të pazbuluar. Sot, është e paqartë se sa nga paratë e humbura totale janë rikuperuar, por besohet se të paktën 650 milionë dollarë u zbuluan në një nga pallatet e Husseinit gjatë një bastisjeje.

(8) 1976 – Grabitja e Bankës Britanike të Lindjes së Mesme – Vjedhur 50 milionë dollarë

Në nxehtësinë e luftës civile të Libanit, një grup i lidhur me Organizatën Çlirimtare Palestineze u përplas tek muret e bankës përmes një kishe në vendin fqinj dhe punësoi një ekip për hapjen e çelësave për të bllokuar hapjen e bodrumit . Në të mbaruar, ata thuhet se u larguan me ar që vlente 50 milionë dollarë , para, stoqe dhe bizhuteri.

(9) 1987 – Vjedhja e bodrumit të Knightsbridge – LondërVjedhur: 97 milionë dollarë

E kryer nga playboy italian dhe krimineli, Valerio Viccei, i cili ishte implikuar në mbi 50 grabitje të bankave gjatë jetës së tij, ekzekutimi i këtij operacioni ishte çuditërisht i thjeshtë. Pasi hyri në bankë gjatë orarit të punës nën maskën e hapjes së kutisë së  sigurisë, ai dhe bashkëpunëtori i tij i armatosur ” nënshtruan” menaxherin dhe rojet e sigurisë.

(10) 2007 – Dar es Salaam Banka ”Heist” – Bagdad – Vjedhur: 282 milionë dollarë

Ministri i Brendshëm i Irakut zbuloi se e tërë vjedhja ishte projektuar nga një dy roja, të cilët punonin për bankën dhe ishin me sa duket të lidhur me milicitë që kalonin në rajon./ /os/ /ash/ a.jor.

 

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.