Ndërhyrja e NATO-s në Kosovë, Meta: Mirënjohës për kontributin e jashtëzakonshëm

TIRANË, 24 mars /ATSH/ Presidenti Ilir Meta reagoi ndërsa sot mbushen 20 vjet nga ndërhyrja e NATO-s në Kosovë.

“Sot mbushen 20 vjet nga dita kur NATO vendosi të ndërhyjë për të imponuar paqen duke i dhënë fund genocidit e spastrimit etnik dhe paraprirë Pavarësisë së Kosovës, e cila forcoi paqen e stabilitetin në rajonin tonë”, tha presidenti.

“Përherë mirënjohës SHBA dhe NATO, për këtë kontribut të jashtëzakonshëm”, shtoi Meta.

Meta theksoi se tashmë 10-vite anëtare në NATO, Shqipëria mbetet e angazhuar maksimalisht në mbrojtjen e vlerave të lirisë, paqes e sigurisë në rajonin tonë dhe kudo në botë. /j.p/

 

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.