AIDSSH viziton ish-kampin e punës së detyruar në Ballsh

TIRANË, 22 mars /ATSH – I. Vata/ – Gjetja e eshtrave të të ekzekutuarve nga regjimi komunist është një nga projektet e Qeverisë shqiptarëve dhe procesi tashmë ka nisur.

Autoriteti për Informim mbi Dokumentet e ish-Sigurimit të Shtetit në bashkëpunim me IIPP dhe ICMP vizituan sot ish-kampin e punës së detyruar në Ballsh.

Ata u takuan me Drejtuesin e Prokurorisë së Qarkut të Fierit dhe kryetarin e bashkisë Mallakastër ku përveç të tjerash, diskutuan edhe bashkëpunimin ndër institucional për kërkimin e personave të zhdukur gjatë periudhës së regjimit komunist.

Pritet që së shpejti, pas lëshimit të urdhëresës nga ana e Prokurorisë, të fillojnë zhvarrimit në varrezat e ish-burgut – Reparti 309 në “Panahor”.

Kampi i punës së detyruar në Ballsh u ndërtua ne vitin 1956 ku vuajtën dënimin dhe punuan me punë të detyruar në shumë se 300 persona.

Shifra e të ekzekutuarve nga regjimi komunist përllogarite të jetë më shumë se 6800 perona por deri tani sipas AIDSSH nuk ka një shifër të sakët.

/e.caushi/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.