Forcat Ajrore transportojnë 5 të plagosur në Spitalin e Traumës

TIRANE, 21 mars /ATSH/ Një aksident ka ndodhur mëngjesin e sotëm në aksin Tepelenë – Krahës, ku një minibusi i linjës Sarandë-Elbasan është përplasur me një mjet tip “Volkswagen” dhe për pasojë janë plagosur 9 persona.

Ministria e Mbrojtjes bën të ditur se dy helikopterët e Forcës Ajrore kanë transportuar 5 prej të plagosurve të aksidentit në Spitalin e Traumës në Tiranë, ku aktualisht gjenden nën kujdesin e mjekëve.

Ndërkaq personat e tjerë të plagosur po marrin mjekimin në spitalin e Gjirokastrës.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.