Rama: Lamtumirë Sadie Agolli

TIRANË, 27 shkurt/ATSH/ Kryeministri Edi Rama shprehu sot ngushëllimet për ndarjen nga jeta të Sadie Agollit, siç e cilësoi ai “hija, shoqja, e dashura, gruaja e Dritëroit”.

Sadia, tha Rama, “i është bashkuar tanimë Dritëroit pas një ndarjeje që e ktheu në hije që kishte humbur dritën”.

“Sadie Agolli ishte hija, shoqja, e dashura, gruaja e Dritëroit dhe kur ai iku, ishte pak si për të shkuar përpara për të parë banesën tjetër, ku Sadia i është bashkuar tanimë pas një ndarjeje që e ktheu në hije që kishte humbur dritën. Lamtumirë Sadie”, shkruan Kryeministri Rama.

Sadie Agolli, bashkëshortja e shkrimtarit të madh shqiptar, të ndjerit Dritëro Agolli u nda dje nga jeta në moshën 76-vjeçare. Ndarja e saj nga jeta vjen dy vjet pas vdekjes së bashkëshortit, Dritëro Agolli./m.m/ /a.g/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.