BERLIN, 15 shkurt /ATSH-DPA/ – Qindra mijëra berlinezë u prekën sot nga pasojat e një greve paralajmëruese që shkaktoi ndalimin e sistemit të transportit publik të kryeqytetit gjerman.
Rreth 14 000 punonjës të kompanisë së transportit publik BVG në Berlin lanë punën si pjesë e një greve të organizuar nga ambientalistët, që kanë një nga sindikatat më të mëdha të Gjermanisë, për të rritur presionin në negociatat me qeverinë mbi kushtet e punës.
Autobusët, tramvajet dhe trenat nëntokësorë do të duhej të rifillonin shërbimin e tyre në mesditë, por zyrtarët e transportit publik theksuan se greva do të zgjasë gjatë gjithë ditës.
Trenat e udhëtarëve dhe disa linja autobusësh në periferi të qytetit dhe linjat e trageteve nuk u përfshinë në grevë.
Negociatat duhet të vazhdojnë më 5 mars./ /os/ a.jor.