Shqipëria heq vizat me shtetin e El Salvadorit

TIRANË, 23 janar /ATSH/ – Hiqen vizat me shtetin e El Salvadorit, për mbajtësit e pasaportave diplomatike, atyre zyrtare, të shërbimit dhe të zakonshme.

Në mbështetje ligjit “Për marrëveshjet ndërkombëtare në Republikën e Shqipërisë”, me propozimin e Kryeministrit dhe ministrit për Europën dhe Punët e Jashtme, Këshilli i Ministrave miratoi marrëveshjen, ndërmjet qeverisë shqiptare dhe asaj të Republikës së El Salvadorit, për heqjen e vizave për mbajtësit e pasaportave diplomatike, zyrtare, të shërbimit dhe të zakonshme.

Ky vendim hyn në fuqi pas botimit në “Fletoren zyrtare”. /e.xh/j.p/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.