BERLIN, 11 janar /ATSH-DPA/ – Persona të panjohur shpërthyen një kuti postare që i përkiste një politikani të partisë të ekstremit të djathtë ”Alternativa për Gjermaninë” (AfD) dhe shkruajtën fjalët “derr nazist” në murin e shtëpisë së tij, sipas policisë.
Fishekzjarret u gjetën brenda në kutinë private të postës në shtëpinë e Stephan Reuken në qytetin verior të Greifswaldit gjatë natës, duke shkaktuar një dëm prej 400 eurosh (461 dollarë), por pa të plagosur.
Pak ditë më parë, një tjetër politikan i AfD nga Bremeni, Frank Magnitz, u dërgua në spital me një goditje të thellë në ballë, pas një sulmi.
Zyrtarët e policisë dhe të partisë thanë se ai do të kishte vdekur, nëse nuk do të ishte zbuluar në moment nga dy persona të cilët njoftuan urgjencën./ /os/ a.jor.