BRUKSEL – Eurostat: Papunësia në nivelin më të ulët të 10 viteve të fundit

BRUKSEL, 9 janar /ATSH-AFP/ – Shkalla e papunësisë në eurozonë shënoi rënie në 7,9% në nëntor, në nivelin më të ulët që prej tetorit 2008, njoftoi sot Zyra Europiane e Statistikave, Eurostat.

Kjo shifër është më e mirë se ajo e parashikuar nga analistët e intervistuar nga ofruesi i shërbimeve financiare ‘’Factset’’, të cilët parashikonin normës mbi 8,1%.

Eurostat gjithsesi rishikoi me rënie shifrën që kishte paraqitur për tetorin 2018. Ai raporton tashmë normën në 8,0% dhe jo 8,1% siç kishte njoftuar më 30 nëntor 2018.

Papunësia në zonën euro nuk ka reshtur së shënuari rënie që prej shtatorit 2016 ku arriti nën pragun simbolik prej 10,0%. Megjithatë mbetet ende shumë më e lartë se norma mesatare përpara krizës financiare të 2007-2008, ku arriti nivelin e 7,5%./ /v.b/ a.jor.

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.