Në 11 shkurt përfundon afati për t’u bërë pjesë e Forcave të Armatosura

TIRANË, 7 janar /ATSH/ – Ministria e Mbrojtjes ju bën thirrje të gjithë të rinjve që janë të interesuar të bëhen pjesë e Forcave të Armatosura të Shqipërisë të aplikojnë dhe dorëzojnë dokumentacionin brenda datës 11 shkurt.

Në njoftimin e Ministrisë së Mbrojtjes, theksohet se çdo i ri profesionist apo që ka dëshirë të shërbejë në uniformë i ka dyert të hapura.

Gjithashtu ofrohen edhe 4 bursa për të studiuar në akademitë më të mira ushtarake në Mbretërinë e Bashkuar.

Ndërsa për të rinjtë që kanë një diplomë për inxhinieri elektronike ose kompjuterike, mund të ndjekin Kursin e oficerit të Forcës Ajrore.

Për ata që kanë një diplomë tjetër, ofrohen Kursi i oficerit të Forcës Tokësore dhe Kursi i oficerëve të rinj të Marinsave Mbretërorë.

Të gjithë të interesuarit mund të informohen edhe më shumë duke parë këtë link: https://bit.ly/2RqCkYv . /o.l//a.g/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.