ISLAMABAD – Ish-kryeministri Sharif dënohet me burg për korrupsion

ISLAMABAD, 24 dhjetor /ATSH-ANSA/ – Ish-kryeministri pakistanez, Muhammad Nawaz Sharif u dënua me shtatë vjet burg për korrupsion, për rastin e lidhur me çështjen Al-Azizia Steel Mills.

Gjykata gjithashtu e dënoi atë të paguajë një gjobë prej 25 milionë dollarësh.

Rreth ndërtesës së gjykatës u rrit siguria nga frika e përplasjeve me mbështetësit e ish-kryeministrit, të mbledhur jashtë saj.

Sharif ishte dënuar me 10 vjet korrikun e kaluar, pastaj u lirua pas një vendim të Gjykatës së Lartë./  /os/ a.jor.

 

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.