MADRID – Arrestohen drejtuesit e një web-i neonazist në gjuhën spanjolle

MADRID, 15 dhjetor /ATSH-AFP/ – Policia spanjolle njoftoi sot arrestimin e tre personave, të prezantuar si drejtuesit e versionit në gjuhën spanjolle të një prej web-eve neonaziste më me ndikim në botë, nën drejtimin e një shtetasi spanjoll me banim në Zvicër.

Të moshave nga 21 deri në 23 vjeç, tre burrat u arrestuan në Barcelonë, Tarragone dhe Saragosse (veri-lindje), ata ishin administratorët e seksionit në gjuhën spanjolle të web-it, i cili shërbente si burim propagandues me mesazhe të urretjes anti-semite, homofobe dhe raciste, sqaroi policia në një komunikatë.

Ata furnizonin me informacion versionin në gjuhën spanjolle të një gazete online të publikuar nga SHBA-ja në gjuhën angleze që propagandonin ideologjinë neonaziste dhe adhurimin ndaj Adolf Hitler./ /v.b/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.