TIRANË, 29 nëntor/ATSH/ Zëvendëskryeministri dhe Ministri i Punëve të Jashtme të Kosovës, Behgjet Pacolli vizitoi Vlorën, ku vlerësoi ndryshimet e prekshme në qytet.
Ai u prit në një takim nga Kryetari i Bashkisë së Vlorës, Dritan Leli.
“Kisha rastin të prisja me kënaqësi në Bashkinë e Vlorës, një nga figurat kryesore të jetës politike në Kosovë, Behgjet Pacollin. Ai më shprehu impresionet e tij për ndryshimet e prekshme të qytetit tonë”, tha Leli.
Po ashtu, në kuadër të kësaj vizite, Pacolli u nderua nga Universiteti “Ismail Qemali”, me titullin më të lartë akademik “Doctor Honoris Causa”.
Në përfundim të kësaj vizite, Pacolli vizitoi edhe ekspozitën e piktorit kosovar Tafil Peci, Muzen e Pavarësisë si dhe vendosi një buqetë me lule në bustin e Isa Boletinit.
/m.m/ /a.g/