Tirana Kuq e Zi për 28-29 Nëntor, Veliaj: Merrni flamurin dhe na u bashkoni për festat

TIRANE, 24 nëntor/ATSH/- Tirana ka veshur dekorin e saj kuq e zi për festat kombëtare të nëntorit. Në 106-vjetorin e Pavarësisë, Kryebashkiaku Erion Veliaj u ka bërë thirrje të gjithë shqiptarëve që të bëhen pjesë e këtyre festive duke iu bashkuar edhe ata nismës për vendosjen e simboleve kombëtare në banesat e tyre.

“Po ti? E vure flamurin tënd? Këtë fund Nëntori jo vetëm dekori i Bashkisë Tiranë, por i gjithë qyteti po merr pjesë me simbolet kuqezi! Rroftë Shqipëria!”, shprehet Veliaj.

Kreu i Bashkisë i bën thirrje dhe çdo shqiptari  që jeton në emigracion apo në trevat e tjera shqiptare që festat kombëtare t’i kalojnë në Tiranë ku kryeqyteti do të dominohet nga aktivitete të shumta për festat kombëtare të nëntorit.

“Tirana Kuq e Zi për 28-29 Nëntor! Nëse jeton jashtë Kryeqytetit, merr flamurin tënd dhe familjen e na u bashko për një fundjavë të gjatë pushimi e festash të paharrueshme në Tiranë”, theksoi Veliaj.

Vetëm imagjinoni se si do të ngjajë Shqipëria në ditën e Flamurit, nëse secili prej nesh vendos nga një flamur në dritaret apo ballkonet e banesave të tyre./a.g/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.