Futboll/ Femrat U-17, hidhet shorti për Europianin

TIRANË, 23 nëntor /ATSH/ – Në Nion të Zvicrës në selinë e UEFA-s është hedhur sot, shorti për kualifikueset e Kampionatit Europian “Suedi 2020” për kombëtaren e femrave U-17.

Gjithsej janë 11 grupe me nga 4 skuadra dhe Shqipëria bën pjesë në grupin e shtatë së bashku me Greqinë, Lituaninë dhe Republikën e Irlandës.

Turneu “Qualifying Round” U-17 Femra do të zhvillohet në Lituani në datat: 10, 13 dhe 16 Shtator 2019.

Skuadrat që do të kualifikohen nga raundi kualifikues në raundin elitë do të jenë 26, ku 22 skuadrat që do të renditen të parat dhe të dytat në grupet e tyre respektive si dhe 4 vendet e treta më të mira nga 11 grupet.

/gj.m//j.p/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.